Бир сулууга

Аман болгун, эсен болгун ар качан,
Мени сагын, мени эсте чарчасаң.
Мен ошондо кубат болом сен үчүн,
Эгер чындап сүйүү урсун алдасам.

Жансын шондо өчөт деген жарыгың,
Жылдыздарга жетип турсун бар үнүң.
Жанбашына мен кепилдик бералбайм,
Жалын чачса жан дүйнөңдө жарымым.

Күлө карап сени сүйсүн күн дагы,
Ай суктансын ажарыңа түн дагы.
Бүткүл аалам чындап сага баш ийсин,
Бир сулууга өзүм сүйгөн мындагы.

Бетин тоскон көк асмандын буралып,
Үзүл-кесил болуучудай куралып.
Сени көрүп кыр ашкыча шашылсын,
Булуттар да көркөмүңдөн уялып.

Көргөн жандын сүйөөрүнү анык кыл,
Кул кылгын да көрүмүңө карып кыл.
Ай деле эмес жылдыздар да ийкенет,
Айсыз түндү сүйүшкөнгө жарык кыл.

Күндөр өтсүн бирин-бири кубалап,
Көрсө сени күлмүңдөйт да кубанат.
Нурун төксүн элден мурун өзүңө,
Тойбос болсун, болсун кайра сугалак.

Мезгил дагы сага саатын коротот,
Бирок жаным аны кандай тоготот.
Көлөкөсүн ээлеп жатсаң чалкалап,
Арчалар да жыпар жытын жоготот.

Шыңгыр үнүң багындырсын тоо суусун,
Аны кайра шарпылдаткан шоокумсун.
Сенден алат ырахаттуу шылдырды,
Эгер билсең сен аларга моокумсун.

Автору: Досболов Шайырбек, Баткен району, Кыштут айылы

Нравится

Авторго билдирген ыраазычылыгыңыздын эң жөнөкөй жолу — эл аралык коомдук желелерде достор менен маалымат бөлүшүү

Реклама на сайте. Рассмотрим любые варианты ее размещения.
Авторго билдирген ыраазычылыгыңыздын эң жөнөкөй жолу – эл аралык коомдук желелерде достор менен маалымат бөлүшүү.

Оставить ответ

Ваш e-mail не будет опубликован. Обязательные поля помечены *

© 2012 - 2017 «Kalemger.KG». Бардык укуктар корголгон. Материалдарды көчүрүүдө жана жайылтууда kalemger.kg шилтемесин колдонуңуз.
Сайтты жасаган Равидин Турсункулов. Сайт WordPressте иштейт. WordPress.kg - бекер сайт, бекер хостинг, бекер домен.

Кыргызча анекдоттор дүйнөсү | Курдаш коомдук тармагы | Кыргызча Нукура форум | Баткен облусунун маалымат порталы | Кыргызстанда таанышуу сайты | Бекер жарыялар