Мен болоюн

Көзүмдүн агы карасын,
Күн болуп гана жанасың.
Каныкейим өзүң бол,
Мен болоюн Манасың.

Элес үчүн багынсам,
Сен да мени сагынсаң.
Токтогулуң болоюн,
Сүйчү мени Алымкан.

Көңүлүмдө сыр дайым,
Көркүңдү мактап ырдайым.
Барпы акының болоюн,
Баркта мени Мырзайым.

Өзүңдө сенин кеми жок,
Өзүңдөй жандын теңи жок.
Көксулуум өзүң бол,
А мен сага Женижок.

Көргөндө сени дедим ай,
Дем берди мага демиң ай.
Раймаалың болоюн,
Озуң болчу Бегимай.

Балдай ширин тилдейсиң,
Аппак көнул дилдейсиң.
Сен болсоң менин Жулиетим,
Мен Ромеон билбейсиң.

Ырларым менин жан атым,
Түгөнбөйт сендик санатым.
Сен болсоң эгер Заринам,
Мен болом сенин Канатың.

Өзүң үчүн мен деймин,
Анык сүйүүм сен Лейлим.
Мажнүнүң болуп өтөмүн,
Жары болсоң мендейдин.

Жүрөгүмдө жай дайым,
Жүрөк сырын айтайын.
Алыкулуң мен болсом,
Жаным болчу Айдайым.

Ак сүйүүмдү сезбейсиң,
Карашыңды бербейсиң.
Унчукпастан журосуң,
Оюңда кимди дегдейсиң.

Миңгизип сүйүү кайыгын,
Көрсөтөм акын айылын.
Өмүрлөшүм өзүң бол,
Мен болоюн Шайырың….

Автору: Досболов Шайырбек, Баткен району, Кыштут айылы

Нравится

Авторго билдирген ыраазычылыгыңыздын эң жөнөкөй жолу — эл аралык коомдук желелерде достор менен маалымат бөлүшүү

Реклама на сайте. Рассмотрим любые варианты ее размещения.
Авторго билдирген ыраазычылыгыңыздын эң жөнөкөй жолу – эл аралык коомдук желелерде достор менен маалымат бөлүшүү.

Комментарий (1)

  • Daiyrbek.95| 19.12.2013

    соз жок просто супер!!! калеминиз курчуй берсин мынданда жакшы ырларды жарата бериниз.ийгилик сизге!!!

  • Оставить ответ

    Ваш e-mail не будет опубликован. Обязательные поля помечены *

    © 2012 - 2017 «Kalemger.KG». Бардык укуктар корголгон. Материалдарды көчүрүүдө жана жайылтууда kalemger.kg шилтемесин колдонуңуз.
    Сайтты жасаган Равидин Турсункулов. Сайт WordPressте иштейт. WordPress.kg - бекер сайт, бекер хостинг, бекер домен.

    Кыргызча анекдоттор дүйнөсү | Курдаш коомдук тармагы | Кыргызча Нукура форум | Баткен облусунун маалымат порталы | Кыргызстанда таанышуу сайты | Бекер жарыялар